Յանուն կենսունակ ապագայի

կարդալ աւելին

Պատմական ակնարկ

Մեր հիմնադիրին մասին

Գալուստ Սարգիս Կիւլպէնկեան ծնած է 1869-ին Սկիւտար, Պոլիս։ Ամբողջ կեանքին ընթացքին ծաւալած է բարեգործական գործունէութիւն, ներառեալ՝ գրադարանի եւ եկեղեցիի հիմնադրում, դպրոցներու օժանդակութիւն, հիւանդանոցի օգնութիւն. յատուկ ուշադրութիւն դարձուցած է եւ օժանդակած է Միջին Արեւելքի հայութեան։

Գալուստ Սարգիս Կիւլպէնկեան իր վերջին տասնըերեք տարիները անցուցած է Լիզպոնի մէջ, ուր մահացած է 1955-ին. անոր աճիւնները ամփոփուած են Լոնտոնի Սուրբ Սարգիս Եկեղեցւոյ մէջ։

Կիւլպէնկեանի կտակին համաձայն, 1956-ին կը հիմնուի Գալուստ Կիւլպէնկեան Հիմնարկութիւնը, որ մինչ օրս բարեգործական աշխատանքներ կը ծաւալէ՝ արուեստի, կրթութեան եւ գիտութեան ոլորտներուն մէջ։

Մեր մասին

Հայկական Համայնքներու Բաժանմունքը, նախապէս՝ Միջին Արեւելքի Բաժանմունք, հիմնուած է 1956 թուականին։ Բաժանմունքին առաջին պատասխանատուն եղած է Գէորգ Էսաեան՝ Կիւլպէնկեանի փեսան։

Հայկական Համայնքներու Բաժանմունքի պատասխանատու հոգաբարձուն միշտ եղած է ազգութեամբ հայ եւ հիմնադիրին ընտանիքին անդամ: Ներկայիս, Բաժանմունքի պատասխանատու հոգաբարձուն է Մարթին Էսաեանը, որ Գալուստ Կիւլպէնկեանի ծոռն է։ 2013-էն սկսեալ, Բաժանմունքին տնօրէնն է Ռազմիկ Փաոնսեանը:

կարդալ աւելին

 

Աշխատակազմ

Հայկական Համայնքներու Բաժանմունքը կը բաղկանայ ութ աշխատակիցներէ։ Բաժանմունքը կը գտնուի Լիզպոն, Փորթուկալ, եւ ունի ներկայացուցիչ մը Լիբանանի մէջ։ 

կարդալ աւելին

 

Կապ

Calouste Gulbenkian Foundation — Armenian Communities Department
Avenida de Berna, 45-A
1067-001 Lisboa
Portugal

Ել-նամակի հասցէ՝ [email protected]

Հեռաձայնի թիւ՝ (+351) 21 782 3658 

Աշխատանքային ժամեր՝ 9:00 – 17:30 (GMT)