Այս ծրագիրին նպատակն է չորսէն-հինգ շաբաթուան տեւողութեամբ հիւրընկալել բարձրակարգ հետազօտող մը, որպէսզի իր մասնակցութիւնը բերէ IMAS մագիստրոսական ծրագիրի ակադեմական եւ կրթական աշխուժութեան, միաժամանակ բարձրացնելով հայագիտութեան միջազգային հեղինակութիւնը։

Ամբիոնի նպատակներ են.

• Հայագիտութեան մասնագէտի մը տրամադրել խթանիչ ակադեմական միջավայր մը INALCO-ի մէջ, կեդրոնանալով նորարարական եւ առնչելի հետազօտական նիւթի մը վրայ։
• Հայագիտութիւնը դնել մարդկային ու հասարակական գիտութիւններու, եւ մարդկային ուսմանց ու արուեստի ոլորտներու հետ արդիւնաւէտ երկխօսութեան մէջ։
• Խթանել հետազօտական, դասաւանդումի եւ տարածումի միջազգային ցանցերու զարգացումը։
• Նպաստել կրթական նիւթերու ստեղծումին, որոնք մատչելի ըլլան IMAS-ի ուսանողներուն եւ լայն հասարակութեան։

Դիմումներու պայմաններ.

Հրաւէրը ուղղուած է հայագիտութեան ոլորտի կայացած հետազօտողներու, որոնք կը մասնագիտանան հետեւեալ ճիւղերէն մէկուն մէջ՝ հասարակական գիտութիւններ, լեզուաբանութիւն, պատմութիւն, մարդկային գիտութիւններ կամ արուեստ։

Յատկապէս ողջունելի են այն դիմումները, որոնք.

• Կը շօշափեն հայ աշխարհի արդի հարցերը՝ իրենց քաղաքական, մարդկային, մտաւոր եւ պատմական բարդութեամբ։
• Կ’ուսումնասիրեն սփիւռքեան ուժականութիւնը, եւ Հայաստանի ու սփիւռքներու միջեւ հոսանքները (մարդոց, գիտելիքի, գործելակերպերու, համակարգերու փոխանակումներ եւ այլն)։
• Կը ներառեն դասաւանդում արեւմտահայերէնով (նախընտրելի բայց ոչ պարտադիր)։

Դիմումները պիտի գնահատուին յանձնախումբի մը կողմէ, որ կը բաղկանայ IMAS մագիստրոսական ծրագիրի դասախօսական կազմի եւ INALCO-ի Հետազօտական յանձնախումբի ներկայացուցիչներէ, արտաքին ակադեմական փորձագէտներէ, ինչպէս նաեւ Գալուստ Կիւլպէնկեան Հիմնարկութեան ներկայացուցիչէ մը՝ խորհրդատուի կարգավիճակով։

Յայտարարութիւնը կը բացուի 27 ապրիլ 2026-ին, իսկ դիմումներու վերջնաժամկէտն է 15 յունիս 2026։

Դիմումներու յայտը կարելի է գտնել հոս, նաեւ ֆրնասերէնով՝

Լրացուցիչ տեղեկութիւններու եւ դիմելու համար, այցելեցէք INALCO-ի պաշտօնական կայքէջը։