Համակազմակերպութեամբ Գալուստ Կիւլպէնկեան Հիմնարկութեան Հայկական Համայնքներու Բաժանմունքին ու Կիւլպէնկեան Արուեստի Գրադարանին եւ Արխիւին՝ «Հայերէն եւ Երուսաղէմը» ցուցահանդէսը կը ներկայացնէ նիւթեր որոնց ընդմէջէն կ՛ուրուագծուի առաջին եւ ամենահին սփիւռքեան այս համայնքին պատմութիւնն ու ներկան. համայնք մը որ կը գոյատեւէ հազարամեակէ մը աւելի, ի հեճուկս մեծ փոփոխութիւններու, ցնցումներու եւ պատերազմներու։ Մինչ օրս, Հայոց Թաղը, ըլլալով Երուսաղէմի հին քաղաքին չորս թաղամասերէն մէկը, կը պարունակէ խիստ արժէքաւոր կրօնական եւ մշակութային կալուածներ։ Պատրիարքարանը խնամակալն է նաեւ աշխարհի Քրիստոնեայ ամենասուրբ վայրերէն մի քանիին։ Ցուցահանդէսը կ՚անդրադառնայ նաեւ Գալուստ Սարգիս Կիւլպէնկեանի ամուր կապին Սուրբ Քաղաքին հետ, ինչպէս նաեւ Երուսաղէմի Կիւլպէնկեան գրադարանի մեկենասութեան եւ հիմնադրումին։

Պոլսոյ Ժամանակ թերթը եւ Փարիզի Նոր Յառաջը կ՚անդրադառնան ցուցահանդէսին բացումին։