Գալուստ Կիւլպէնկեան Հիմնարկութիւնը միշտ աջակցած է Միջին Արեւելքի հայ համայնքներուն: Կրթական հաստատութիւններու եւ համայնքային տարբեր կառոյցներու յարատեւ նեցուկ կանգնելու առընթեր, Հիմնարկութիւնը մարդասիրական օժանդակութիւն կը տրամադրէ տարածաշրջանին մէջ ստեղծուած ճգնաժամային վիճակը ամոքելու նպատակով:

Ի պատասխան Փետրուար ամսուան աւերիչ երկրաշարժին` Հիմնարկութեան Հայկական Բաժանմունքը ընդհանուր 60.000 եւրոյի մարդասիրական նպաստ մը կը յատկացնէ երկրաշարժէն վնասուած համայնքային կառոյցներու շինարարութեան եւ տեղւոյն հայկական վարժարաններու նիւթական կարիքները հոգալու նպատակով: